အိပ်မက်တွေ အရောင်တောက်မလာတဲ့ အခါ...
စိတ်ကူးမျှော်လင့်ချက်တွေ အရည်ပျော်သွားတဲ့ အခါ...
အဖေ နဲ့ အမေ ရဲ့ အရောင်လွင့်နေတဲ့ မျက်လုံးတွေ မြင်ယောင်လာမိတဲ့ အခါ...
တယောက်ထဲ ဆောက်တည်ရာမဲ့ အားငယ်နေမိတဲ့ အခါ...
တလောကလုံး ငြိမ်သက်နေချိန် စိတ်တွေ နားခိုရာမဲ့တဲ့ အခါ...
ရောင့်ရဲခြင်း ကို မတည်ဆောက်နိုင်တဲ့ အခါ...
ကိုယ့်သိမ်ငယ်စိတ်ကို တစ်စုံတစ်ယောက်က ရိပ်မိသွားတဲ့ အခါ...
နာကျင်မှုတွေကို သာယာလာတဲ့ အခါ...
ဆုံးရှူံးမှုတွေကို အောင်မြင်မှုရဲ့ တပိုင်းတစလို့ ခံစားလာရတဲ့ အခါ...
အချစ်ကို ခါးသီးမှုလို့ ခံစားလာရတဲ့ အခါ...
အမုန်းတွေကို စိတ်ဖြေသိမ့်စရာလို့ ထင်လာတဲ့ အခါ....
ကိုယ့်ကို ချစ်သူက နားမလည်တဲ့အခါ...
ချစ်သူကို ကိုယ်က နားမလည်နိုင်တော့တဲ့ အခါ...
သံစဉ်တပိုင်းတစလေးကိုတောင် ညည်းညူဖို့ စဉ်းစားလို့ မရတဲ့ အခါ...
ဆူညံပေါက်ကွဲတဲ့ သီချင်းတစ်ပုဒ်ကို ဆာလောင်နေချိန်မှာ နားထောင်ခွင့် မရတဲ့ အခါ...
နားထဲ မရောက်တဲ့ သီချင်းတစ်ပုဒ်ကို အဖော်သက်သက်အဖြစ် လွင့်မျောခွင့် ပြုထားရတဲ့ အခါ...
နံရံကို တံခါးတစ်ချပ်လို့ မြင်ယောင်မိတဲ့ အခါ...
ကိုယ့်စိတ်ရဲ့ ချဉ်ခြင်းတပ်မှုကို ကိုယ်ကိုယ်တိုင် နားလည်ခံစားလို့ မရနိုင်တော့တဲ့ အခါ...
ပြင်မရတဲ့ နောင်တတွေ အထပ်ထပ် တိုက်စားလာတဲ့ အခါ...
သိပ်ချစ်တဲ့ သူတွေ မုန်းသွားတဲ့ အခါ...
သိပ်မုန်းတဲ့ လူတွေကို သည်းခံပြီး ဆက်ဆံနေရတဲ့ အခါ...
နှုတ်ခမ်းဖျားက ဖွင့်ဟခွင့်မရတဲ့ စကားလုံးတွေ မြိုချလိုက်ရတဲ့ အခါ...
ကိုယ့်ဦးနှောက်လားရာကို ကိုယ့်စိတ်ဆန္ဒက လက်မခံတဲ့ အခါ...
အိပ်မက်တစ်ခု မဆုံးခင် နောက်အိပ်မက် အသစ်ကို မက်မိတဲ့ အခါမျိုးမှာ...
အခါလွန် မျှော်လင့်ချက်တစ်ချို့ကို အကောင်အထည် ဖော်ဖို့ ကြိုးစားနေမိတဲ့ အခါ...
နောင်တမရှိသူလို ခံစားချက်တစ်စုံတစ်ရာ မရှိသူလို ဟန်ဆောင်ပြုံးပြရင်း
ငါပိုင်ဆိုင်သော အခန်းမှောင်မှောင်လေးထဲ တိတ်တဆိတ် ကြေကွဲနေရုံက လွဲလို့...
ငါ ဘာများတတ်နိုင်ဦးမလဲ...
Wednesday, July 11, 2007
ဘာများတတ်နိုင်ဦးမလဲ
Posted by Color Blind at 6:26 PM
Labels: စိတ်သွားရာ...
Subscribe to:
Post Comments (Atom)
0 comments:
Post a Comment