ကိုထီးတုိ့ လျှမ်းလျှမ်းတောက်ချိန်ကပေါ့
ဘယ်ရှိုးမှာမဆို သူ့သီချင်းဆိုမှ ဖြစ်တဲ့ခေတ်
တောင်ပေါ်သားတွေဆို ပိုဆိုးတယ်
ကိုထီး မှ ကိုထီးပဲ...
အဲဒီတော့ ရှမ်းအဆိုတော်တွေကလဲ
သူတို့ကိုယ်ပိုင်သီချင်းလဲဆို ကိုထီးသီချင်းလဲ ညှပ်ပြီး ဆိုကြရတယ်
အဲဒီမှာ ရှမ်းအဆိုတော် တယောက်ရဲ့ ပျော်စရာ အဖြစ်အပျက်လေးတခုက...
အဲဒီနေ့က သူဆိုဖို့ ရွေးထားတဲ့ သီချင်းက ကိုထီးရဲ့ hot သီချင်း
သီချင်းနာမည်က သန်းခေါင်ထက်နက်တဲ့ည ထင်တယ်...
ရင်ခွင်မှာထား ကြားက လေပြေသွေးတောင် မယုံနဲ့
ညအမှောင်တွေထဲ ပျောက်သွားမှာကို စိုးလှပါတယ် ဆိုတဲ့သီချင်း...
သူကလဲ အဲဒီသီချင်းကို ကြိုက်တယ်...
ဆိုတော့လဲ နှစ်ပြီးဆိုတာပေါ့...
mood အပြည့်နဲ့ အပီဟဲနေတုန်း
ရင်မှာလေ ထိတ်တယ်...စိတ်မှာလေ ကြောက်တယ် ဆိုတဲ့နေရာအရောက်
စာသားသေချာကျက်ထားတဲ့ကြားက ဘယ်ကနေ ဘယ်လိုဖြစ်တယ် မသိဘူး...
ရင်မှာလေ ထိတ်တယ် အစား ရင်မှာလေ ကြောက်တယ်လို့ ဆိုမိရော...
အဲဒီမှာ သူက ပြာသွားတာပေါ့...
ရင်မှာလေ ကြောက်တယ်လို့ ဆိုပစ်လိုက်တော့
စိတ်မှာလေ ကြောက်တယ် ကို ဘယ်လိုဆိုရမှန်းမသိတော့ဘူးလေ.....
အဲဒါနဲ့ ဆိုမိဆိုရာ ဆိုလိုက်တာက
ရင်မှာလေ ကြောက်တယ်
စိတ်မှာလေ ထပ်ကြောက်တယ် တဲ့...
Wednesday, August 8, 2007
ထပ်ကြောက်တယ်
Subscribe to:
Post Comments (Atom)
1 Comment:
သီချင်းလေးကိုစိတ်ထဲဆိုကြည့်နေတာတောင် ဘယ်ပျောက်သွားမှန်းမသိဘူး။ ရယ်လိုက်ရတာဗျာ...
Post a Comment